ماهي أصعب الحزن؟؟

مشرفة

سلامٌ من الله يلفّ أرواحكم ،،

تتلاقى أرواحنا شِـعراً ..
لنـتسامى ( بجواهر ) .. هي من ذائقة قلوبكم !
لـ تدخل تلك الـ ( جواهر ) قلوبنا
وكأنها تُصبح دواءً لها أحياناً ..
و ( داء ) في مُعظم الأوقات !

أترككم هنا .. فقط دعوا قلوبكم تقرأ

بدآية الدرب ..

الدرب ضيق وانا وحدي .. مسافر لك
................. ما يتسع للجروح ان قلت بـ آخاوي
ذكرت فيروز .. مشهد .. من ( سفر برلك )
................ يا هل ترى تنتظرني يا ظما الراوي
يا اجمل مدينة حلفت ان آتحظر لك
.......... والعشق .. ما فيه حاصل ضرب ويساوي
اسقيت روحي وقلت ارجع وادور لك
................... والقمح يبقى .. الين يمره الناوي !

وقّف بـ أسولف لك /

أسهل الحزن .. دمعٍ .. لا رمشنا هَما
........................ وأصعب الحزن .. دمعٍ .. نرمش .. وما يطيح
ليتني .. في الفراق .. أبكم واصم وعمى
............................. وانتهي .. معك .. قبل مفارقك .. وأستريح
كنّك .. الغيم .. في كفّي .. وكفّي سما
.................. وفـ المدى .. كنّي اسمع .. صوت .. خطوات ريح !!
اكره إني أفارق .. وأكرهك .. كلّما
............................ جبت .. طاري .. ( فمان الله ) و ( الله يبيح )
وادري .. إني بَعَدْك .. من الظمأ .. للظما
......................... وأنت تدري .. وأنا ادري .. ليه احسّه صحيح !
الأماني .. قصيرة .. لو نمى .. مانمى
......................... وان غدت .. شوك .. في كفّينك .. ومات شيح
وقتها .. قم .. تولّم .. للوداع .. إنما
................................... لايروح الكلام .. مسامحات .. ومديح !
خلّنا لا احتمينا .. والفراق .. احتمى
............................. نشبه الشمع .. في نفسه .. يشبّ ويسيح !!
أصعب الحزن .. دمعٍ .. حام .. حول الحمى
........................... من وأنا صغير .. لكن .. ما أوشك انه يطيح !

نهاية دربْ .. ياخذنا لـ بداية روح جديدهـ :

حصاد العمر .. صوت ٍ بالضمير .. إن قلت نام ألحين !
................................. سألني : وش ينوبك من سهـرك ووش تحبـه لـه ؟!
يجادلنـي وأخـاف إن الجـدال يصحـي الممسـيـن
....................................... عليـه أدخـل بربـي ليـن يسكـت وآتوجـه لــه
وأنـام وعينـي أدرى بالسنيـن اللـي تزيـد سنـيـن
................................. مضت عقدين والثالث رفـض .. يمشـي علـى مهلـه .!

فقط .. لا يوجد شئ جميل هنا أكثر من قلوبكم
وقلب العمري

بإستثناء ما كان بخطٍ أسود .. كل حرف هُنا

لـ محمد العمري ،،

دمــتم